Goa Forward: "भाजप सरकार जनतेप्रती असंवेदनशील"- सासष्टी-मुरगावातील प्रकारावर गोवा फॉरवर्डची टीका

Goa Forward Party सार्वजनिक वितरण व्यवस्थेखाली वितरणासाठी खराब दर्जाचे धान्य दिल्या प्रकरणी गोवा फाँरवर्डने जोरदार टिका केली असून हे धान्य त्वरित मागे घ्यावे व त्या बदलात त्वरित चांगले धान्य द्यावे अशी मागणी गोवा फाँरवर्डने केली आहे.

पक्षाचे सरचिटणीस दुर्गादास कामत यांनी म्हटले आहे की या प्रकारांतून सरकारची लोकांप्रती नसलेली संवेदनशून्यता दिसून येते, सार्वजनिक वितरण व्यवस्थेतील एकेक गैरप्रकार महाभयानक आहेत व ताजा प्रकार हा त्याचेच एक उदाहरण आहे.

सरकारने त्वरित लोकांना बदलून चांगले धान्य दिले नाही तर त्या विरुध्द गोवा फाॅरवर्ड रस्त्यावर येईल असा इशाराही त्यांनी दिला.

ते म्हणाले की या एकंदर प्रकारास जबाबदार कोण ते शोधून काढण्याबरोबरच या व्यवस्थेवर देखरेख ठेवण्याची व ती सुरळित ठेवण्यासाठी रास्त भाव दुकानदारांना पाठिंबा देण्याची गरज आहे असे त्यांनी म्हटले आहे.