Section 144 in Mopa: मनोहर आंतरराष्ट्रीय विमानतळ, मोपा आणि आसपासच्या गावांत जमावबंदीचे आदेश उत्तर गोवा जिल्हाधिकारी कार्यालयाच्या वतीने देण्यात आले आहेत.
या आदेशाअंतर्गत पाच व पाचपेक्षा अधिक नागरिकांना एकत्र येण्यास मज्जाव करण्यात आला आहे. आदेशानुसार, येत्या 31 मार्चपर्यंत हा आदेश लागू राहणार आहे. टॅक्सी चालकांच्या संभाव्य आंदोलनाच्या पार्श्वभूमीवर हा बंदी आदेश लागू करण्यात आला आहे.
उत्तर गोव्याचे जिल्हा दंडाधिकारी स्नेहा गिते यांनी जारी केलेल्या आदेशानुसार मोपा विमानतळाच्या अखत्यारीतील मोपा, वारखंड, नागझर आणि चांदेल या गावांमध्ये मिरवणुका, बंदुक, लाठ्या आणि इतर शस्त्रे बाळगणे, लाऊडस्पीकरचा वापर, घोषणाबाजी आणि फटाके उडवणे यावर बंदी घालण्यात आली आहे.
कर्तव्य बजावत सार्वजनिक सेवक आणि विवाह किंवा अंत्ययात्रा किंवा पूर्वपरवानगी घेतलेल्या कार्यक्रमांना हे निर्बंध लागू होणार नाहीत असे जिल्हा दंडाधिकाऱ्यांच्या आदेशात म्हटले आहे.
फौजदारी प्रक्रिया संहिता (CrPC) च्या कलम 144 अंतर्गत प्रतिबंधात्मक आदेश 31 मार्चपर्यंत लागू राहतील, असे आदेशात जिल्हा दंडाधिकाऱ्यांच्या आदेशात म्हटले आहे.
टॅक्सी चालक आणि ग्रामस्थांच्या संभाव्य अंदोलनामुळे विमानतळाच्या कामाकाजावर परिणाम होण्याची शक्यतेची माहिती उत्तर पोलिस अधीक्षक निधीन वाल्सन यांनी जिल्हा दंडाधिकाऱ्यांना दिली होती. मोपा, वारखंड, नागझर आणि चांदेल या गावांतील लोक आंदोलन करण्याची शक्यता व्यक्त केली जात आहे.
टॅक्सी चालक आणि स्थानिकांनी मोपा विमानतळावर अधिकृत टॅक्सी काउंटर देण्याबाबत मागणीसाठी बैठक घेतली होती. याबाबत 24 डिसेंबर 2023 रोजीच्या पत्रात एसपींनी माहिती दिली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.