पणजी: माजी सभापती राजेंद्र आर्लेकर (Rajendra Arlekar) यांचे हिंदी भाषेवरील प्रभुत्वाचा विचार त्यांची हिमाचल प्रदेशचे (Himachal Pradesh) राज्यपाल (Governor) म्हणून नियुक्ती करताना केला गेला आहे, असे सांगण्यात येते. याच पार्श्वभूमीवर क्रीडामंत्री बाबू आजगावकर (Babu Ajgaonkar) यांच्या हिंदीची (Hindi) टवाळी करण्यासही कोणी मागे-पुढे पाहात नाहीत. मागे राष्ट्रीय प्रसार माध्यमांच्या स्थानिक प्रतिनिधींशी वार्तालाप करताना त्यांनी हिंदीची अशी मोडतोड केली, की त्याची ध्वनिचित्रफित अनेकांनी विरंगुळा म्हणूनही पाहिली. ‘आता आर्लेकर हिमाचल गयेला है. आपुनको मजा आयेला है. क्रीडामंत्री’ असे वाक्य समाजमाध्यमावर फिरवून आजगावकर यांच्या हिंदीचा पंचनामा सुरू झाला आहे. (Proficiency in Hindi language benefited Rajendra Arlekar when he was appointed as the Governor of Himachal Pradesh)
दरम्यान राज्यात कोरोनाची दुसरी लाट मोठ्या प्रमाणात फैलावत असल्याने सरकारने कोरोना मार्गदर्शक सूचनांचे काटेकोरपणे पालन करण्याचे आवाहन केले होते. लग्नसोहळा व इतर कोणत्याही कार्यक्रमासाठी 50 टक्क्यांपेक्षा उपस्थिती असू नये असे स्पष्ट केले होते. अशातच उपमुख्यमंत्री मनोहर ऊर्फ बाबू आजगावकर हे गर्दी असलेल्या मडगावातील एका कार्यक्रमात डान्स करतांना दिसले होते. आणि त्यांचा हा व्हिडिओ सोशल मिडियावर जोरदार व्हायरल झाल्याने लोकप्रतिनिधी असूनही त्यांनी केलेल्या या उल्लंघनाबद्दल लोकांनी संताप व्यक्त केला होता.
कार्यकर्तेही जाण्यास उत्सुक
आर्लेकर यांच्या शपथविधीसाठी मुख्यमंत्री डॉ. प्रमोद सावंत, भाजपचे प्रदेशाध्यक्ष सदानंद शेट तानावडे, सरचिटणीस ॲड. नरेंद्र सावईकर, संघटन सचिव सतीश धोंड आदी उपस्थित राहण्याचे निश्चित असून या यादीत परवापर्यंत आणखी वाढ होण्याची शक्यता आहे. पक्षाचे काही नेते व कार्यकर्ते शिमला येथे जाण्याची तयारी करू लागले आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
