Mumbai Goa Highway Accident: मुंबई-गोवा महामार्गावरील अपघातांचे सत्र सुरूच असून, रविवारी खासगी बसचा टायर फुटून महामार्गावर भीषण अपघात झाला आहे. ) चांडवे गावाच्या हद्दीत मध्यरात्री पावणे 03 वाजण्याच्या सुमारास हा अपघात झाला. अपघातात बसमधील सात प्रवासी गंभीर जखमी झाले आहेत.
टायर फुटल्याने चालकाचं बसवरील नियंत्रण सुटलं आणि प्रवाशांनी भरलेली बस पलटी झाली.
मिळालेल्या माहितीनुसार, मुंबई - गोवा महामार्गावरील चांदवे गावाजवळ रत्नागिरीहून मुंबईकडे येणाऱ्या खासगी लक्झरी बसचा अचानक टायर फुटला. यानंतर बस अनियंत्रितपणे उलटली. अपघाताच्या वेळी या बसमध्ये 22 प्रवासी होते. यातील 7 प्रवासी जखमी झाले आहेत.
सर्व जखमींना महाडच्या ट्रॉमा सेंटरमध्ये दाखल करण्यात आले आहे. चार प्रवाशांची प्रकृती चिंताजनक असल्याने त्यांना मुंबईला हलवण्यात आले आहे.
बस चालकाविरुद्ध भा.द.वी. कलम 279, 337, 338 सह मोटार वाहन कायदा प्रमाणे गुन्हा दाखल करण्यात आला आहे. याप्रकरणी महाड एमआयडीसी पोलिस स्टेशनच्या पथकाने खासगी बसच्या चालकाला अटक केली असून पुढील तपास सुरू आहे.
(Seven Injured In Bus Accident On Mumbai Goa Highway)
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.