Colvale Central Jail: कोलवाळ कारागृह नेहमीच या ना त्या करणाने चर्चेत असते. कारगृहात कधी मोबाईल, अमली पदार्थ याबाबत कारवाई केली जाते तर, कधी विविध कारणांवरुन कैद्यांमध्ये मारहाणीच्या घटना घडतात.
अशीच एक घटना कारागृहातून समोर आली असून, यावेळी चिकनच्या कारणावरून कैद्यांमध्ये हाणामारी झालीय. यात काही कैद्यांना दुखापत झाली आहे. बुधवारी संध्याकाळी सहाच्या सुमारास ही घटना घडली.
मिळालेल्या माहितीनुसार, चिकन वाढण्यास नकार दिल्याने कोलवाळ कारागृहात काही कैदी भिडले, यात कैद्यांना दुखापत झाली आहे. जखमींमध्ये सादिक शेख, इस्माईल मुल्ला, मुस्तफा शेख आणि इतर कैद्यांना दुखापत झाली आहे.
कारागृहात रात्रीच्या भोजणात चिकन देण्यात आले, कैदी सादिककडे चिकन वाढण्याची जबाबदारी होती. चिकन वाढत असताना कैदी इस्माईल याने जास्त चिकन पाहिजे म्हणून ताट पुढे केले. पण, सादिकने चिकन देण्यास नकार दिला.
चिकन देण्यास नकार दिल्याने दोघांमध्ये मोठा वाद झाला. प्रकरण हाणामारीवर आले. त्यानंतर इतर दोघांच्या मदतीला आलेल्या कैद्यांमध्ये दोन गट पडल्याने वाद वाढत गेला.
दरम्यान, कारागृह कर्मचाऱ्यांनी मध्यस्थी करत वाद मिटवला पण, यात अनेक कैदी जखमी झाले आहेत. जखमींना उपचारासाठी सरकारी रुग्णालयात दाखल करण्यात आले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.