Goa Government: सोनारबाग येथील बंधारा प्रियोळ येथे येणाऱ्या प्रकल्पाला पाणी पुरविण्यासाठी दबावतंत्र वापरून बांधण्याचा प्रयत्न आहे. डबल इंजिन सरकारने म्हादई नदी कर्नाटक सरकारला विकली आहे. लोकांना गृहीत धरणाऱ्या सरकारने म्हादई नदीप्रमाणे दूधसागर नदीवर बंधारा उभारताना स्थानिकांना विश्वासात घेतले नाही.
त्यामुळे भविष्यात स्थानिक लोकांना पाणीटंचाईला सामोरे जावे लागणार असल्याचे प्रतिपादन आरजीचे नेते मनोज परब यांनी केले.
सोनारबाग येथे मंगळवारी रात्री झालेल्या बैठकीत मनोज परब बोलत होते. यावेळी स्थानिक पंच विनोद मास्कारेन्हास, खांडेपार पंचायतीचे पंच अभिजीत गावडे, मनीष नाईक, आरजी कार्यकर्ते रोहन नाईक, नीलेश गावडे व सुमारे दोनशेहून अधिक लोक उपस्थित होते.
पंचायत मंडळे लोकांसोबत
यावेळी स्थानिक पंच विनोद मास्कारेन्हास यांनी आपण सुरुवातीपासून लोकांबरोबर आहे. प्रकल्पासंबंधी उसगाव पंचायत मंडळानेही लोकांबरोबर राहण्याचा निर्णय घेतला असल्याचे सांगितले.
खांडेपार पंचायतीचे पंच मनीष नाईक यांनी बंधाऱ्याला दोन्ही बाजूंचे लोक विरोध करीत आहेत. खांडेपार पंचायत मंडळ पूर्णपणे लोकांबरोबर आहे. सोनारबाग गावातील लोकांचाही निश्चित पाठिंबा असल्याचे सांगितले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
