President Murmu At Old Goa Chuch: राष्ट्रपती द्रौपदी मुर्मू यांची ओल्ड गोव्यातील चर्चला भेट; दिल्लीला रवाना

President Murmu At Old Goa Chuch: तीन दिवसांच्या गोवा दौऱ्यावर असलेल्या देशाच्या राष्ट्रपती द्रौपदी मुर्मू या त्यांचा दौरा आटोपून आज पुन्हा दिल्लीला रवाना झाल्या. तत्पुर्वी त्यांनी ओल्ड गोव्यातील बॅसिलिका ऑफ बॉम जिझस चर्चला भेट दिली.

ओल्ड गोव्यातील हे चर्च सुप्रसिद्ध आहे. त्यामुळे राष्ट्रपतींनी या चर्चला भेट देत येथील वस्तुसंग्रहालयात पाहणी केली. त्यांनी या भेटीबाबत स्वतःचा अभिप्रायही नोंदवला आहे. या वेळी त्यांच्यासमवेत गोव्याचे राज्यपाल पी. एस. पिल्लई, मुख्यमंत्री डॉ. प्रमोद सावंत, सार्वजनिक बांधकाम मंत्री निलेश काब्राल, आमदार राजेश फळदेसाई आदी उपस्थित होते.

तत्पुर्वी देशाच्या फर्स्ट लेडी असलेल्या द्रौपदी मुर्मू यांचा राजभवनात गौरव करण्यात आला. राज्यपाल गव्हर्नर यांच्या पत्नी रिटा एस. पिल्लई यांच्या हस्ते साडी, स्वामी विवेकानंद यांची प्रतिमा आणि स्मृतिचिन्ह देऊन गौरविण्यात आले.