54th International Film Festival India Goa: अवघ्या 18 दिवसांवर आलेल्या भारताच्या 54 व्या आंतरराष्ट्रीय चित्रपट महोत्सवाची तयारी जोरदार सुरू असून बहुतांश निविदा प्रक्रिया पूर्ण झाल्या आहेत.
या चित्रपट महोत्सवासाठी आतापर्यंत देश-विदेशातील 3 हजार 39 प्रतिनिधींनी नोंदणी केली आहे.
आयोजन समितीच्या सुकाणू समितीची महत्वपूर्ण बैठक या आठवड्यात होत आहे, अशी माहिती प्रमुख आयोजक गोवा मनोरंजन संस्थेने दिली आहे.
20 ते 28 नोव्हेंबर या कालावधीत होत असलेला हा आंतरराष्ट्रीय महोत्सव जगभरातील सिनेप्रेमींना पर्वणी आहे. सुकाणू समितीची बैठक आठवड्याभरात होईल,अशी माहिती आहे.
निर्मात्यांच्या आयुष्याची, स्वप्नांची, आकांक्षांची आणि संघर्षाची झलक 54 व्या इफ्फीत दाखवण्यात येणार आहे.
इंडियन पॅनोरमाची घोषणा करण्यात आली असून या पूर्ण लांबीचे 25 चित्रपट असून 20 लघुपटांचे प्रदर्शन होणार आहे. यात सर्वाधिक 14 हिंदी चित्रपटांशिवाय मल्याळम, मराठी, कोकणी, कन्नड, आदी भाषांतील चित्रपटही सिने रसिकांना पाहता येणार आहेत.
प्रतिनिधी 10 हजारांवर नेण्याचा प्रयत्न
इफ्फीत चित्रपटांची जागतिक स्पर्धा होते. या स्पर्धेसाठी कोट्यवधींची पारितोषिके असून या स्पर्धेसाठी परीक्षकांची घोषणा करण्यात आली आहे.इफ्फीसाठी देशभरातून प्रतिनिधींकडून नोंदणी केली जाते. यात सिनेनिर्मिती, सिने रसिक, विद्यार्थी, यांचा समावेश असतो. आतापर्यंत 3 हजार 300 प्रतिनिधींनी नोंदणी केली असून हा आकडा 10 हजारापर्यंत नेण्याचा आयोजकांचा दावा आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
