पणजी : गोवा (Goa) राज्यातील गर्भवती महिलांना 9 जुलैपासून लसीकरण (Vaccination) करण्यात येणार आहे. राज्य लसीकरण विभागाचे प्रमुख डॉ. राजेंद्र बोरकर यांनी दिलेल्या माहितीनुसार गर्भवती महिलांच्या (Pregnant Women) लसीकरणासाठी गोव्यातील डॉक्टर व परिचारिकांना राष्‍ट्रीय पातळीवर प्रशिक्षण दिल्यानंतर त्यांना राज्यस्तरीय प्रशिक्षणही देण्यात आले. (Pregnant women in Goa will be vaccinated from July 9)
केंद्र सरकारने गर्भवती महिलांच्या लसीकरणाबाबत मार्गदर्शक तत्त्‍वे (SOP) जाहीर केली आहेत. त्यानुसार हे लसीकरण होणार असून गर्भवती महिलांनी जवळच्या आरोग्य केंद्रातील लसीकरण विभागात जाऊन लस घ्यावी, असे आवाहन डॉ. बोरकर यांनी केले आहे.
अल्‍पोपहार करावा
विशेषत: सकाळच्या सत्रात गर्भवती महिलांनी लसीकरण केंद्रात जावे. कारण, नंतर गर्दी होते. तसेच उपाशीपोटी न जाता अल्‍पोपहार करून जावे जावे, असेही डॉ. बोरकर यांनी सांगितले. कोरोना प्रतिबंधक लस घेतल्यानंतर काही लोकांना त्रास होतो, तसा काही गर्भवती महिलांनाही होऊ शकतो. मात्र, तो धोकादायक नसेल, असेही डॉ. बोरकर यांनी स्पष्ट केले. राज्यात आत्तापर्यंत 74 टक्के लसीकरण झाल्याचे डॉ. बोरकर यांनी सांगितले. ज्यांनी लस घेतली नाही, त्यांनी त्वरित लसीकरण केंद्रात जाऊन ती घ्यावी, असे आवाहन केले.
परदेशींना रविवारी लसीकरण
ज्यांच्याकडे भारतीय ओळखपत्र नाही, अशा लोकांना नेपाळी व इतरांना रविवारी मडगाव येथील टी. बी, इस्पितळ लसीकरण केंद्रात लसीकरण केले जाणार आहे. यापूर्वी पणजी व आसगाव येथे पहिल्या टप्प्यात या लोकांना लसीकरण केले होते. आता मडगाव येथे 11 जुलै रोजी लस दिली जाणार आहे. पुढील काळात उत्तर गोव्यात व दक्षिण गोव्यातही अशा लोकांना लसीकरण केले जाणार आहे. त्यामुळे उत्तर गोव्यातील लोकांनी मडगावात गर्दी करू नये, अशी सूचना डॉ. राजेंद्र बोरकर यांनी केली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
