Valpoi Municipal Council: वाळपई नगराध्यक्षपदी प्रसन्ना गावस यांची बिनविरोध निवड

Prasanna Gawas Elected Unopposed As Mayor Of Valpoi Municipal Council: वाळपई नगराध्यक्षपदी प्रसन्ना गावस यांची सोमवारी सकाळी बिनविरोध निवड झाली. शैहजीन शेख यांनी पदाचा राजीनामा दिल्याने रिक्त झालेल्या जागेवर प्रसन्ना गावस यांची निवड झाली.

अलिखित करारानुसार अ़डीच वर्षांसाठी नगराध्यक्षपद बहाल करण्यात आले होते. यानुसार 2 ऑक्टोंबर रोजी करार संपल्यानंतर शैहजीन शेख यांनी नगरपालिका संचालनालयाकडे आपला नगराध्यक्षपदाचा राजीनामा सादर केला होता.

सोमवारी सकाळी नगरपलिका कार्यालयात सत्तरी उपजिल्हाधिकारी प्रवीण परब यांनी निवडणुकीची प्रक्रिया पूर्ण केली. नगरसेवक उसउद्दीन सय्यद यांनी नगराध्यक्षाचे नाव सुचवले. त्याला नगरसेवक विनोद हळदणकर यांनी अनुमोदन दिले.

यावेळी मुख्याधिकारी दशरथ गावस, शाहिझीन शेख, उपनगराध्यक्ष इद्रूस शेख, अनिल काटकर, सरफराज सय्यद, निर्मला साखळकर, रामदास शिरोडकर, शराफत खान, विनोद शिंदे आदींची उपस्थिती होती.