दक्षिण गोव्‍यात आज 3 वाजेपर्यंत बत्ती गुल

पणजी: वीज खात्‍याला 220 केव्ही शेल्डे उपकेंद्र, 220 केव्ही कुंकळ्‍ळी उपकेंद्र आणि 110 केव्ही वेर्णा उपकेंद्रावर तातडीचे वार्षिक देखभालीचे काम करावयाचे असल्‍याने रविवार दि. 27 मार्च रोजी सकाळी 7 ते दुपारी 3 वाजेपर्यंत दक्षिण गोव्यातील काणकोण, सासष्टी, सांगे, केपे, मुरगाव या भागात आणि धारबांदोडा तालुक्यातील किर्लपाल ग्रामपंचायत, दाभाळ, शिगाव, काले, मोले आणि फोंडा तालुक्यातील पंचवाडी ग्रामपंचायत भागात वीजपुरवठा केला जाणार नाही. संबंधित ग्राहकांनी याची नोंद घेऊन सहकार्य करावे, असे आवाहन वीज खात्‍यातर्फे करण्‍यात आले आहे.