म्हापसा: पर्वरी येथील बी. बी. बोरकर मार्गावर, थॉमस स्टीफन्स केंद्रानजीक काल रात्री उशिरा झालेल्या एका अपघातात रस्ता ओलांडणाऱ्या पादचाऱ्याचा मृत्यू झाला.
रामचंद्र शृंगारे हे रस्ता ओलांडत असताना निलरतन कुंडा (वय ३२) चालवत असलेल्या दुचाकीने त्यांना धडक दिली. या अपघाताची माहिती मिळताच पर्वरी पोलिसांनी घटनास्थळी धाव घेऊन गंभीर जखमी झालेल्या शृंगारे यांना उपचारासाठी बांबोळी येथील गोवा वैद्यकीय महाविद्यालय रुग्णालयात दाखल केले.
मात्र, उपचारादरम्यान त्यांची प्राणज्योत मालवली. याप्रकरणी निष्काळजीपणे व बेदरकारपणे वाहन चालवून मृत्यूस कारणीभूत ठरल्याबद्दल पोलिसांनी दुचाकीस्वार निलरतन कुंडा याच्याविरुद्ध गुन्हा नोंदवला आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
