पणजी: राज्यातील वाढते अपघात चिंतेचा विषय ठरत आहे. सातत्याने अपघाताच्या घटना समोर येत आहेत. यातच आता, पर्वरी येथून अशीच एक अपघाताची घटना समोर आली. येथे कदंब डेपोजवळील राष्ट्रोळी महारुद्र मंदिराच्या शेजारी बाकड्यावर बसलेल्या उमेश मुट्टागी (35, सुकूर) याला भरधाव वेगात असलेल्या टेम्पोने धडक दिली.
दरम्यान, या अपघातात तो जागीच ठार झाला. टेम्पो चालकाचे नियंत्रण सुटल्याने हा अपघात झाला. याप्रकरणी पर्वरी (Porvorim) पोलिसांनी टेम्पो चालक रियान रमजान शेख (28, झुआरीनगर) याला अटक केली आहे. त्याच्याविरुद्ध निष्काळजीपणा तसेच सदोष मनुष्यवधाचा गुन्हा दाखल करण्यात आला आहे. ही घटना रविवारी (27 एप्रिल) सकाळी दहाच्या सुमारास घडली.
पर्वरी पोलिसांनी दिलेल्या माहितीनुसार, एका कंपनीच्या सामानाची डेलिव्हरी करणारा टेम्पो चालक चुकीच्या दिशेने आला आणि या मंदिराच्या ठिकाणी पार्क केलेल्या दुचाकीला धडक दिली. त्यानंतर तिथे बसलेल्या उमेश मुट्टागी याला धडक बसल्याने त्याच्या डोक्याला जबर मार लागला. या धडकेनंतरही टेम्पोने आणखी एका पार्क केलेल्या दुचाकीला धडक दिली. जखमी अवस्थेत उमेशला गोमेकॉत नेले असता डॉक्टरांनी त्याला मृत घोषित केले. पोलिसांनी (Police) चालकाला ताब्यात घेऊन त्याची मद्य चाचणी केली मात्र प्राथमिक तपासणी त्याने मद्य घेतले नसल्याचे आढळून आले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.