वास्को: येथील मुरगाव पालिकेच्या बालोद्यानातील शौचालयांची दुरावस्था झाल्याने तेथे मुलांसह पालकांची कुचंबणा होत आहे. बालोद्यानातील शौचालयांची दुरुस्ती व सीसीटीव्ही कॅमेरे बसविण्याची मागणी सामाजिक कार्यकर्त्या शलाका कांबळी यांनी निवेदनाद्वारे पालिका मुख्याधिकाऱ्यांकडे केली आहे. स्वातंत्र्यपथ मार्गाच्या एका बाजूला पालिका उद्यान तर दुसऱ्या बाजूला बालोद्यान आहे.
या दोन्ही उद्यानांची देखभाल मुरगाव पालिकेतर्फे करण्यात येते. बालोद्यानात शौचालये बांधण्यात आली होती. परंतु त्याची योग्य ती देखभाल न केल्याने दुर्दशा झाली आहे. काही वेळा काही जण लघुशंका करण्यासाठी तेथील आडोशाचा आसरा घेतात.
बालोद्यानात दुपारच्या वेळेला गर्दी कमी असते. अशावेळी काही युवक मौज-मजा करण्यासाठी बालोद्यानात येतात. त्यामुळे या ठिकाणी सीसीटिव्ही कॅमेरा बसवावेत, अशी मागणी शलाका कांबळी यांनी केली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
