Ponda-Sanquelim Municipal Election 2023: राज्यात सर्वत्र चर्चेचा विषय बनलेल्या साखळी आणि फोंडा पालिकांसाठी आज शुक्रवारी सकाळी 8 वाजल्यापासून मतदान सुरू झाले आहे.
निवडणूक आयोगाने साखळीत 10 तर फोंड्यात एकूण 22 मतदान केंद्रे उभारली असून आयोगाच्या कर्मचाऱ्यांनी मतदान केंद्रांचा आज ताबा घेतला. (Ponda-Sanquelim Municipal Election Voter Tounout)
सकाळी 8 ते 10 या कालावधीतील दोन्ही पालिकांसाठी झालेल्या निवडणुकीची आकडेवारी समोर आली आहे. सकाळी 8 ते 10 या वेळेत साखळी पालिकेसाठी एकूण 22.75 टक्के मतदान पार पडले आहे.
तर सकाळी 8 ते 10 यावेळेत फोंडा पालिकेसाठी एकूण 20. 87 टक्के मतदान पार पडले आहे.
रवी नाईक यांनी जेव्हा मतदानाचा हक्क बजावल्यानंतर माध्यमांशी संपर्क साधला. त्यावेळी त्यांनी आपल्या सर्व वॉर्ड सर्वच उमेदवार यशस्वी विजयी होतील असा आशावाद व्यक्त केला.
शिवाय ते म्हणाले की, विकासाला नवी दिशा देण्यासाठी या उमेदवारांना विजयी करणे आवश्यक आहे.
दरम्यान, शेवटचा एक तास कोविड-19 पॉझिटिव्ह रुग्णांकरता राखीव ठेवण्यात आला आहे. 10 प्रभागांसाठी 6 हजार 932 मतदार असून यापैकी 3 हजार 391 पुरुष तर 3 हजार 541 महिला मतदार आहेत.
फोंडयात कृषिमंत्री रवी नाईक तर काँग्रेसकडून राजेश वेरेकर यांनी प्रचाराची धुरा संभाळली होती. साखळीमध्ये मुख्यमंत्री डॉ. प्रमोद सावंत यांचा प्रदेशाध्यक्ष सदानंद शेट तानावडे यांनी प्रचार केला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
