Sanquelim Ponda Municipality Election 2023: साखळी नगरपालिका निवडणुकीच्या पार्श्वभूमीवर जिल्हा प्रशासनाने पालिका क्षेत्रात 5 ते 7 मे पर्यंत जमावबंदीचे 144 कलम लागू केले आहे. उत्तर गोवा जिल्हा दंडाधिकारी यांनी तसा आदेश काढला आहे.
दरम्यान गोवा सरकारने 5 मे हा दिवस फोंडा व साखळी पालिका निवडणुकीच्या पार्श्वभूमीवर 'पगारी सुट्टी' घोषित केली आहे.
फोंडा व साखळी पालिका निवडणुकीतील मतदारांसाठी "मतदान दिवस" म्हणून 'पगारी सुट्टी' घोषित केली आहे.
येत्या 5 मे रोजी उत्तर गोव्यातील साखळी नगरपालिकेसाठी मतदान होत असून 7 मे रोजी मतमोजणी होत आहे. या निवडणुकीच्या अनुषंगाने कलम 144 लागू केले आहे.
जिल्हा दंडाधिकार्‍यांनी दिलेला हा आदेश सर्व रेस्टॉरंट, बार, चहाची दुकाने, मॉल यांना लागू आहेत.
याशिवाय मतदान केंद्राच्या 100 मीटरच्या आत असलेली दुकाने, भोजनालये आणि इतर खाद्यपदार्थांची दुकाने, आस्थापने (ढाबा, गाडा) इ. बंद राहतील.
याशिवाय नगरपालिकेच्या हद्दीतील मतदान केंद्रांच्या 100 मीटर परिसरात 5 पेक्षा जास्त व्यक्तींचा समावेश असलेल्या कोणत्याही मेळाव्यास किंवा गर्दीवर बंदी घालण्यात आली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
