पणजी: थिवी मतदारसंघातील राजकारण आता चांगलेच तापू लागले आहे. स्थानिक आमदार तथा मंत्री नीळकंठ हळर्णकर आणि माजी आमदार किरण कांदोळकर यांच्यात आरोप प्रत्यारोपांची मालिका सुरू झाली आहे. दोन्ही नेत्यांनी एकमेकांवर थेट टीका केल्याने आगामी काळात मतदारसंघातील राजकीय 'पारा' अधिक चढण्याची शक्यता आहे.
हळणकर यांनी किरण कांदोळकर यांचे नाव न घेता त्यांच्यावर जहरी टीका केली. अशा माणसाला थिवीतील मतदार कधीच निवडून देणार नाहीत, असेही ते म्हणाले. त्याआधी कांदोळकर यांनी सध्याचे आमदार 'फ्लाईट मोड'वर गेल्याची टीका करत, मतदारसंघात कोणतीही ठोस कामे झाली नसल्याने नागरिकांना त्रास सहन करावा लागत असल्याचा आरोप केला होता.
कांदोळकर यांनी आपण अपक्ष म्हणून निवडून आल्यानंतर सत्तेत येणाऱ्या पक्षाला पाठिंबा देऊ, असे स्पष्ट केले. तसेच थिवीतील जनतेला विकास हवा आहे. लोक मला निवडून देतील, कारण त्यांना आपली कामे मार्गी लागतील, असा विश्वास आहे. आरजीपी हा माझा विरोधक नसून सध्याचे मंत्री हळणकर हेच प्रमुख प्रतिस्पर्धी आहेत, असेही त्यांनी म्हटले आहे
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
