राजकारण्यांची भेट वैयक्तिक कधीच नसते: देवेंद्र फडणवीस

शिवोली: राजकीय क्षेत्रातील व्यक्तींची भेट ही कधीच वैयक्तिक नसते जेव्हा दोन राजकारणी एकत्रित येतात तेव्हा ते राजकारणाच्याच गोष्टी करतात. आजची आपली मंत्री मायकल लोबोंच्या (Minister Michael Lobo) निवासस्थानी झालेली भेट ही सुद्धा येत्या विधानसभा निवडणुकी संबंधात उहापोह करण्यासाठी होती असे स्पष्ट प्रतिपादन महाराष्ट्राचे माजी मुख्यमंत्री तथा भाजपचे गोवा प्रभारी देवेंद्र फडणवीस (Devendra Fadnavis) यांनी पर्रात सांगितले.

कळंगुटचे आमदार तथा राज्याचे ग्रामीण विकास मंत्री मायकल लोबो यांच्या पर्रा येथील  निवासस्थानी फडणवीस यांच्या भेटीसंदर्भात स्थानिक पत्रकारांशी बोलतांना  त्यांनी सांगितले. दरम्यान, पर्राच्या सरपंच तसेच आपल्या पत्नी  दिलायला लोबो या शिवोली मतदार संघातून विधानसभेची निवडणूक लढवण्याची तयारी करत आहेत  याबाबतीत मी भाजपचा एक सदस्य असल्या कारणाने फडणवीस यांना कल्पना दिली आहे यांवर त्यांनी हसून योग्य वेळी योग्य निर्णय घेणार असल्याचे आश्वासन दिल्याचे मंत्री लोबो यांनी पत्रकारांना सांगितले. 

दरम्यान, महाराष्ट्रातील विळ्या भोपळ्याची युती गोव्यात कदापी होणे शक्य नसल्याचेही  फडणवीस यांनी यावेळी सांगितले. दरम्यान, फडणवीस यांच्या भेटीसंदर्भात मंत्री लोबो यांच्याकडून बरीच गुप्तता बाळगळ्यात आली होती यावेळी ठरावीक पत्रकारांनाच आमंत्रित करण्यात आले होते......