जनतेची सेवा बजावणाऱ्या पोलिसांचे आउट पोस्ट कचऱ्याचा ढिगार्‍यात

दाबोळी: नवेवाडे भागातील नागरिकांच्या (citizens) सुरक्षेसाठी दाभोळीतील लोकप्रतिनिधीने मोठया दिमाखात पोलिस आउट पोस्ट सुरू केले होते. परंतु गेल्या तीन वर्षापासून प्रामाणिकपणे जनतेची सेवा बजावणाऱ्या पोलिसांच्या (Police) आउट पोस्ट कचऱ्याचा ढिगार्‍यात सापडला आहे. राज्य गृह विभागाने त्वरित या भागात पुन्हा एकदा पोलिस आऊट पोष्ट सुरू करण्याची करण्यासाठी पुढाकार घ्यावा अशी मागणी दाबोळीचे आम आदमी पक्षाचे नेते प्रेमानंद (बाबू) नानोस्कर (Premanand Nanoskar) यांनी केली.

दाभोळीचे लोकप्रतिनिधी फक्त जनतेला आश्वासन तेवढे देतात. जनतेची सेवा करण्यास मागे राहत असल्याची माहिती आपचे नेते बाबू नानोस्कर यांनी दिली. तीन वर्षापूर्वी स्थानिक लोकप्रतिनिधीने मोठा गाजावाजा करून नवेवाडे भागातील दाभोळी मतदारसंघात पोलीस आऊट पोष्ट सुरू केले होते. काही महिने आऊट पोष्ट मध्ये पोलिसांनी आपली सेवा बजावली. नंतर अचानक पोलीस पोष्ट बंद करण्यात आले, ते आज पर्यंत सुरू झाले नसल्याने या भागातील नागरिकांनी पुन्हा येथे पोष्ट सुरू करण्याची मागणी करीत असल्याची माहिती बाबू नानोस्कर यांनी दिली.

दाभोळीच्या लोकप्रतिनिधीने ज्या ठिकाणी पोलीस आऊट पोष्ट सुरू केले होते त्याच ठिकाणी मुरगाव पालिकेचे कचरा टाकण्याचे ठिकाण असल्याने तेथे सदैव कचऱ्याचे ढीग साचलेले असतात. त्यामुळे पोलिसांना दररोज या कचऱ्यामुळे दुर्गंधीला सामोरे जावे लागत होते. तसेच बाजूस सार्वजनिक सुलभ शौचालय असल्याने पोलिसांना दुर्गंधीचा आणखीन त्रास होऊ लागल्याने कदाचित पोलीस आऊट पोष्ट बंद पडल्याची शक्यता या भागातील नागरिकांनी नागरिकांतर्फे व्यक्त करण्यात येत आहे.

दरम्यान आपचे नेते नानोस्कर यांनी राज्य गृह विभागाकडे (State Home Department) वाडे येथील पुन्हा पोलीस आऊट पोष्ट सुरू करण्याची मागणी केली आहे. पोलिसांच्या आरोग्याची (health) काळजी घेऊन जनतेच्या सेवेसाठी नव्याने पोलीस आऊट पोष्ट सुरू करावे अशी मागणी नानोस्कर यांनी केली.