Goa police: अमली पदार्थविरोधी कारवाईचा धडाका सुरूच; हणजूण, मडगाव येथील तिघे जेरबंद

गोवा पोलिसांनी अमली पदार्थ विरोधातील कारवाईचा धडाक सुरुच ठेवला आहे. या पार्श्वभूमीवर आज पोलिसांनी हणजूण व मडगाव येथे कारवाई केल्या आहेत. या दोन कारवाईत पोलिसांनी तीन संशयितांना अटक केली आहे. यामध्ये तब्बल 1.25 लाखाचे अमली पदार्थ जप्त केले आहेत.

(Police have arrested three people in a drug operation in Anjuna and margao)

मिळालेल्या माहितीनुसार आज हणजूण पोलिसांनी कारवाई केली. या कारवाईत पोलिसांनी अमली पदार्थ बाळगल्याप्रकरणी दोघांना अटक केली आहे. अटक केलेल्या संशयितांची नावे लीलेश कश्यप (मध्य प्रदेश) व अरविंद पाटील (32, हडफडे) अशी आहेत. तसेच कारवाई दरम्यान 55 हजाराचा गांजा जप्त केला आहे.

याच प्रकारे पोलिसांनी मडगाव येथे आज कारवाई केली आहे. या कारवाईत संशयिताकडून 70 हजाराचा गांजा जप्त केला आहे. तसेच संशयित इस्साक रेगन परेरा असे नाव असून त्याला पोलिसांनी अटक केली आहे. मिळालेल्या माहितीनुसार संशयित अमली पदार्थ विक्रीसाठी येणार असल्याची माहिती मिळाल्यानंतर मडगाव येथे सापळा लावत त्याला अटक केली आहे.

गोवा पोलीस राज्यभरात करत असलेल्या वेगवेगळ्या कारवाईत प्रतिमहिना सुमारे 45 किलो अमली पदार्थ जप्त करताहेत. त्यामुळे पोलिस प्रशासन आता पुन्हा सक्रिय झाले असून कारवाईचा वेग देखील वाढवला आहे. तसेच पोलिसांनी अमली पदार्थाविरोधात सामान्य नागरीकांमध्ये जनजागृती करत अशा कारवाईत त्यांची मदत आवश्यक असल्याचे म्हटले आहे.