पणजी : बनावट नोटा प्रकरणी चारही आरोपींची पोलीस कोठडीत रवानगी करण्यात आली आहे. मडगाव, फातोर्डातील अटक करण्यात आलेल्या तीन संशयितांसह चौघांनाही १४ दिवसांची पोलीस कोठडी कोर्टाने सुनावली आहे. कारवार पोलिसांकडून मुख्य संशयित मुश्ताक बेग याचा शोध अजूनही सुरुच आहे.
कारवार येथील राष्ट्रीय महामार्गालगत असलेल्या एका हॉटेलसमोर अंकोला आणि कारवार पोलिसांनी गुरुवारी रात्री संयुक्त कारवाई केली. या कारवाईत पोलिसांनी बनावट नोटांचे रॅकेट उद्ध्वस्त करत 13 हजार रुपयांच्या खोट्या नोटा जप्त केल्या होत्या. महत्त्वाची बाब म्हणजे अटक केलेल्या चारपैकी तिघे आरोपी मडगाव गोव्याचे रहिवासी असल्याचं समोर आलं होतं.
या प्रकरणी कोडीबाग कारवार येथील प्रवीण नायर (वय.46- हॉटेल कामगार), फातोर्डा- मडगाव येथील लार्सन सिल्वा (26), मडगाव येथील प्रनोय फर्नांडिस, लोयड्स लॉरेन्स स्टेविस यांना पोलिसांनी अटक करण्यात आली होती. त्यांच्याकडून 500 रुपयांच्या 26 बनावट नोटा तसेच 40 चलनी नोटांसह एक दुचाकी आणि चारचाकी जप्त करण्यात पोलिसांना यश आलं आहे. या प्रकरणातील मुख्य सुत्रधार मुस्ताक हसन बेग हा फरार असून त्याचा पोलीस कसून शोध घेत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
