पणजी: कविता थेट मनातून उतरते. ती जगण्याला अर्थ देते. कवितेने मला बळ दिले, सामर्थ्य दिले. कविता म्हणजे तुमच्या, माझ्या जीवनाला अर्थ देणारी परिभाषा आहे, अशा शब्दांत इन्स्टिटयूट मिनेझिस ब्रागांझाचे अध्यक्ष व कवी दशरथ परब यांनी कवितेविषयी आपले मत व्यक्त केले. मनसा क्रिएशन्सतर्फे आयोजित आंतरराष्टीय कविता दिवस कार्यक्रमात प्रमुख पाहुणे म्हणून ते बोलत होते.
यावेळी व्यासपीठावर विशेष निमंत्रित म्हणून माहिती व प्रसिद्धी संचालनालयाचे सहाय्यक माहिती अधिकारी श्याम गावकर, गोमंतक साहित्य सेवक मंडळाचे कोषाध्यक्ष राजमोहन शेट्ये, मिरामार यूथ हॉस्टेलचे संचालक अनंत जोशी, कवी गीतकार जॉन आगियार, मनसा क्रिएशन्सच्या अध्यक्ष कालिका बापट उपस्थित होत्या. राजनी रायकर यांनी सूत्रनिवेदन केले.
मनसा क्रिएशन्सतर्फे 21 मार्च रोजी आंतरराष्ट्रीय कविता दिवस साजरा करण्यात आला. त्यानिमित्ताने मिरामार पणजी येथील यूथ हॉस्टेलमध्ये आयोजित ‘काव्योत्सव’चे उद्घाटन कवी परब यांनी केले. त्यानंतर कवी गौरीश वेर्णेकर यांच्या अध्यक्षतेखाली झालेल्या ‘काव्यरंग’ मध्ये दशरथ परब, श्याम गावकर, राजमोहन शेट्ये, अनंत जोशी, राजू नाईक, जॉन आगियार, दुर्गाकुमार नावती, प्रदीप नाईक, प्रकाश क्षीरसागर, विठ्ठल शेळके यांचा सहभाग होता.
त्यानंतर प्रा.पौर्णिमा केरकर यांच्या अध्यक्षतेखाली ‘काव्यपंचमी’ कविसंमेलन झाले. यात मीना समुद्र, सृष्टी नाईक, इंदू परब, नीता तोरणे, प्रमोद कारापूरकर, नूतन दाभोळकर, सुभाष शाह, दीपा मिरिंगकर, सुनीता शाह, सुनेत्रा कळंगुटकर, आरती मोने, मेघना कुरुंदवाडकर, अक्षता किनळेकर, सारिका अडविलकर, तृप्ती बांदेकर, स्नेहा सुतार, गीता गावस, अंजली चितळे, चित्रा क्षीरसागर, धनश्री कुरुंदवाडकर, वर्षा प्रभुगावकर, शर्मिला प्रभू, तेजश्री प्रभुगावकर, श्वेता गावस, कविता आमोणकर, अनुया शिरोडकर, मंदा सुगीरे व कवींचा सहभाग होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
