PM Oath Ceremony
PM Oath CeremonyDainik Gomantak

PM Oath Ceremony : गोव्याचे मंत्री-आमदार सोहळ्यासाठी दाखल

PM Oath Ceremony : : मुख्यमंत्री डॉ. प्रमोद सावंत, प्रदेशाध्यक्ष सदानंद शेट तानावडे, उत्तर गोव्यातील विजयी उमेदवार श्रीपाद नाईक हे आधीच दिल्लीला पोचले आहेत.

PM Oath Ceremony :  :

पणजी, केंद्र सरकारच्या शपथविधी सोहळ्यास उपस्थित राहण्यासाठी गोव्याचे मंत्री आमदार, तसेच भाजप नेते-पदाधिकारी दिल्लीला रवाना झाले आहेत.

मुख्यमंत्री डॉ. प्रमोद सावंत, प्रदेशाध्यक्ष सदानंद शेट तानावडे, उत्तर गोव्यातील विजयी उमेदवार श्रीपाद नाईक हे आधीच दिल्लीला पोचले आहेत. माजी आमदार दामू नाईक आणि सिद्धार्थ कुंकळ्येकर हे शुक्रवारी सायंकाळी उशिरा दिल्लीत दाखल झाले. शनिवारी दुपारनंतर मंत्री सुदिन ढवळीकर दिल्लीत पोचले. मंत्री माविन गुदिन्हो, सुभाष शिरोडकर, विश्वजीत राणे, रोहन खंवटे, नीळकंठ हळर्णकर शनिवारी रात्री उशिरा दिल्लीत दाखल झाले.

...हे आमदार-मंत्री अनुपस्थित

मंत्री गोविंद गावडे आणि आमदार दिव्या राणे यांनी प्रकृती अस्वास्थ्याचे कारण देऊन दिल्ली दौरा टाळला आहे. पेडण्याचे आमदार प्रवीण आर्लेकर आणि महसूलमंत्री बाबूश मोन्सेरात विदेशात असल्याने ते दिल्लीत पोचू शकणार नाहीत.

मायकल लोबो आणि दिलायला लोबो यांनी दिल्लीला येणार नसल्याचे पक्षाला कळविले आहे. मयेचे आमदार प्रेमेंद्र शेट हे सध्या हिमाचल प्रदेशात आहेत. त्यांना तेथून दिल्लीला जाण्याची व्यवस्था होत नसल्याने ते शपथविधी सोहळ्याला पोचण्याची शक्यता कमी आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa News on Dainik Gomantak
dainikgomantak.esakal.com