पणजी : ‘आत्मनिर्भर भारत, स्वयंपूर्ण गोवा’ या संकल्पनेतून राज्यात गेल्या वर्षभरात लोकांनी लाभ घेतलेल्या योजनांसंदर्भातील आढावा जाणून घेण्यासाठी पंतप्रधान नरेंद्र मोदी (Prime Minister Narendra Modi) येत्या शनिवार दि. 23 रोजी सकाळी 11 वाजता आभासी पद्धतीने गोव्यातील (Goa) स्‍वयंसेवक आणि जनतेशी थेट संवाद साधणार आहेत. हा कार्यक्रम सर्व पंचायतींमध्ये तसेच सार्वजनिक ठिकाणी लोकांना पाहता यावा यासाठी सोय असेल. ही संकल्पना यशस्वी ठरली असून कृषी, दुग्ध, फलोत्पादन व फुलोत्पादन या क्षेत्रात चांगला प्रतिसाद मिळत आहे, अशी माहिती मुख्यमंत्री डॉ. प्रमोद सावंत (Dr. Pramod Sawant) यांनी पत्रकार परिषदेत दिली.
पंतप्रधान मोदी गोव्यातील सात जणांशी संवाद साधतील. त्यामध्ये एक सरपंच, एक नगराध्यक्ष, एक स्वयंपूर्ण मित्र तसेच या योजनांचा लाभ घेतलेल्या चार लाभार्थ्यांकडून ते माहिती जाणून घेतील. तसेच काही सूचनाही करतील. 2 ऑक्टोबर 2020 रोजी पंतप्रधानांची या अभियानाला प्रारंभ केल्‍यानंतर राज्यातील 191 पंचायतींमध्ये तसेच 14 पालिकांमध्ये सरकारी अधिकाऱ्यांची स्वयंपूर्ण मित्र म्हणून नियुक्ती तर 12 तालुक्यांमध्ये नोडल अधिकाऱ्यांची नेमणूक करण्यात आली होती. या अधिकाऱ्यांनी दर शनिवारी व रविवारी पंचायतींमध्ये हजेरी लावली होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
