इफ्फीत मोदी सरकारच्या योजनांचे कौतुक, आभासी वास्तव तंत्रज्ञानाचा वापर करुन उभारले सेल्फी पॉईंट

IFFI Goa 2023: गोव्यात सुरु असलेल्या भारताच्या आंतरराष्ट्रीय चित्रपट महोत्सवात जगभरातील सिनेमांची मेजवानी सिने रसिकांसाठी खुली झाली आहे. विविध विभागात सुमारे २७० हून अधिक चित्रपट पाहण्याची संधी रसिकांना मिळणार आहे.

इफ्फीच्या काळात सिने-मेला, फिल्म बाझार यासह विविध उपक्रमांची रेलचेल याठिकाणी पाहायला मिळते. दरम्यान, यावेळी इफ्फीत मोदी सरकारच्या योजनांचे आभासी वास्तव तंत्रज्ञानाचा वापर करुन सेल्फी पॉईंट उभारण्यात आले आहेत.

केंद्रीय माहिती आणि प्रसारण मंत्री अनुराग ठाकूर यांनी या तंत्रज्ञानाचा वापर करुन सेल्फी घेतली. यामध्ये पीएम किसान सन्मान निधी, डिजिटल इंडिया, स्टार्ट-अप-इंडिया आणि पंतप्रधान उज्वला योजना यासारख्या योजनाचा समावेश आहे.

आभासी वास्तव तंत्रज्ञानाचा वापर करुन सेल्फी पॉईंट उभारण्यात आले आहेत. इफ्फीच्या निमित्ताने येणाऱ्या सिने रसिकांना या ठिकाणी सेल्फी घेता येणार आहे.

कला अकादमीत डिजिटल प्रदर्शन भरविण्यात आले आहे. त्यातच आभासी दुनियेतील काही अविष्कार दाखविण्यात आले आहेत. मंत्री अनुराग ठाकूर यांनी मंगळवारी या प्रदर्शनाला भेट दिली आणि तंत्रज्ञानाची माहिती घेऊन ते समजून घेतले.