Panjim News: पायलट संघटनेचा शनिवारी 43 वा वर्धापनदिन स्नेहमेळावा

Panjim News: गोवा मोटरसायकल टॅक्सी रायडर्स असोसिएशनचा 43 वा वार्षिक स्नेहमेळावा शनिवार, 23 डिसेंबर रोजी पणजी येथील इन्स्टिट्यूट मिनेझिस ब्रागांझा सभागृहात आयोजित करण्यात आलेला आहे. यावेळी वर्षभराच्या कामकाजाचा आढावा घेण्यात येणार आहे.

पायलट व्यावसायासंदर्भात निर्माण झालेल्या व यापुढे ओढवणाऱ्या समस्यांवर चर्चा आणि त्यांच्या निवारणासाठी कोणकोणत्या उपाययोजना करणे शक्य आहे यावर चर्चा तसेच समाजाच्या विविध क्षेत्रात सामाजिक भावनेने सेवा बजावणाऱ्या मान्यवरांचा, पायलट बांधवाचा सन्मान करण्यात येणार आहे.

तसेच सभासदांच्या गुणवान मुलांचाही गौरव करण्यात येणार आहे. कार्यक्रमाच्या सुरवातीस दीपप्रज्वन होईल. त्यानंतर दिवंगत सभासदांना श्रध्दांजली वाहण्यात येईल. नंतर उपस्थित मान्यवरांच्या हस्ते संघटनेतर्फे वार्षिक स्मरणिकेचे विमोचन करण्यात येणार आहे.

कार्यक्रमास खास अतिथी म्हणून वाहतूक आणि पंचायत मंत्री माविन गुदिन्हो, मयेचे आमदार प्रेमेंद्र शेट, डीचोलीचे आमदार चंद्रकांत शेट्ये, ज्येष्ठ पत्रकार आणि सामाजिक कार्यकर्ते सागर अग्नी, उद्योजक व सामाजिक कार्यकर्ते''सूर्यकांत सावंत तसेच संघटनेचे अन्य पदाधिकारी उपस्थित राहतील.

आमचे आश्रयदाते शुभचिंतक व पायलट परिवाराच्या कुटुंबीयांनी आर्वजून उपस्थित राहून स्नेहमेळाव्यात सहभागी व्हावे, असे आवाहन संघटनेच्या वतीने अध्यक्ष सुरेश ठाकूर यांनी केलेले आहे.