फिलिप नेरींचा अखेर भाजपच्या आमदारकीचा राजीनामा

पणजी : जलस्त्रोत मंत्री आणि आमदार फिलिप नेरी रॉड्रिग्ज यांनी आपला मंत्रिपदासह आमदारकीचाही राजीनामा दिला आहे. वेळ्ळीत काँग्रेसला सोडचिठ्ठी देत भाजपमध्ये दाखल झालेल्या नेरी यांनी मंत्रिपद मिळवलं होतं. मात्र गेल्या काही दिवसांपासून नेरींच्या पक्ष सोडण्याच्या चर्चाही रंगल्या होत्या. आता नेरी यांनी भाजपचा राजीनामा दिल्याने त्यावर शिक्कामोर्तब झालं आहे. (Philip Neri Rodrigues News Updates)

आपल्या मंत्रिपदाचा आणि आमदारकीचा राजीनामा देण्याची तयारी केलेले जलस्त्रोत मंत्री फिलिप नेरी रॉड्रिग्स (Philip Neri Rodrigues) यांनी दिवसभरातच आपला निर्णय बदलला होता. राजीनामा द्यायचा की नाही हा निर्णय आपण आपल्या समर्थकांना विचारुन नंतरच घेणार, असे रॉड्रिग्स यांनी सांगितले होते. यानंतर भाजपने जाहीर केलेल्या यादीत नेरींना कुठेच स्थान दिलं नव्हतं. त्यामुळे आपली नाराजी उघड करत अखेर नेरींनी मंत्रिपदासह आमदारकीचाही राजीनामा दिला आहे.

जलस्त्रोत मंत्री व काँग्रेसचा त्याग करुन भाजपात (BJP) गेलेले वेळळी मतदारसंघाचे आमदार फिलिप नेरी रॉड्रिग्स यांनी अखेर राष्ट्रवादी काँग्रेस पक्षाच्या उमेदवारीवर निवडणूक लढविण्याचा निर्णय घेतला आहे. रविवारी फिलिप नेरी यांनी आपल्या कार्यकर्त्यांची बैठक घेऊन आपल्या राजकीय भविष्याबाबत चर्चा केली. निवडणुकीसाठी (Goa Assembly Election) उमेदवारी दाखल करण्यासाठी अवघा एक दिवस शिल्लक असताना नेरींनी भाजपला रामराम ठोकला आहे. वेळ्ळीतील निवडणुकीत नेरींच्या एन्ट्रीने चुरस वाढणार आहे.