Atal Setu: अटल सेतूवरील बाईकचा तो व्हिडिओ व्हायरल झाला अन् वाहतूक पोलिसांनी...

Atal Setu: मांडवी नदीवर बांधण्यात आलेल्या अटल सेतूवर दुचाकी घेऊन जाण्यास बंदी आहे. दरम्यान, एक व्यक्ती अटल सेतूवर दुचाकी घेऊन गेला. त्यानंतर या घटनेचा व्हिडिओ सोशल मिडियावर व्हायरल झाला. पोलिसांनी तात्काळ या घटनेची दखल घेत संबधित दुचाकी चालकाला दंड ठोठावला आहे.

मिळालेल्या माहितीनुसार, एक दुचाकी चालक बाईक घेऊन अटल सेतूवर जात असतानाचा व्हिडिओ सोशल मिडियावर व्हायरल झाला. पोलिसांना याबाबत माहिती मिळताच, वाहतूक पोलिसांनी दुचाकी चालकाला शोधून काढत त्याला दंड ठोठावला आहे.

धक्कादायक बाब म्हणजे हा दुचाकी चालक विना हेल्मेट ट्रिपल सीट दुचाकीवरून जात असताना व्हिडिओत दिसत आहेत. व्हिडिओ समाजमाध्यमांवर व्हायरल झाल्यानंतर पोलिसांनी याची तात्काळ दखल घेत कारवाई केली.