पेडणे : कोरगाव येथील श्री कमळेश्‍‍वर महारुद्र संस्थानचा त्रैवार्षिक महारुद्र स्वाहाकार सोहळा बुधवार दि. २६ एप्रिल ते शुक्रवार दि. २८ एप्रिल या काळात विविध कार्यक्रमांनिशी साजरा करण्यात येणार आहे.
यानिमित्त पहिल्‍या दिवशी म्‍हणजे २६ रोजी सकाळी धार्मिक विधी, आरती, तीर्थप्रसाद, सायंकाळी ७ वाजता कोरगाव ग्रामपंचायत पुरस्कृत पार्सेकर मंडळातर्फे (वेंगुर्ला) ‘देवी मळगंगा’ हा दशावतारी नाट्यप्रयोग सादर करण्यात येणार आहे. दि. २७ रोजी सकाळी धार्मिक विधी, तीर्थप्रसाद तर सायंकाळी ७ वाजता अमृतनाथ दशावतारी नाट्यमंडळाचा नाट्यप्रयोग होणार आहे. दि. २८ रोजी सकाळी धार्मिक विधी,
महाआरती, तीर्थप्रसाद, दुपारी महाप्रसाद, संध्याकाळी ६ वाजता कमळेश्‍‍वर शिक्षण प्रसारक संस्था पुरस्कृत ‘स्वरसंध्या’ हा भक्तिगीत, भावगीतांचा कार्यक्रम होणार आहे. त्‍यात प्रेमानाथ पाळणी, महादेव शेट्ये, रुपेश कुबल, दामोदर शेट्ये, दीपक मेस्त्री, राज पोळजी यांचा सहभाग असेल. सायंकाळी ७ वाजता महापूजा होईल. दरम्‍यान, स्वाहाकार सुरू असताना ओम नमः शिवाय हा जप भक्त जिथे असतील तिथे सकाळी १० ते दुपारी १२ यावेळेत करावा, असे आवाहन करण्यात आले आहे.
भूमिका देवस्थानात नवचंडी
कोरगाव येथील श्री भूमिका देवस्थानात बुधवार दि. ३ मे रोजी हवनद्वारा नवचंडी कार्यक्रम होणार आहे. त्‍यानिमित्त सकाळी विविध धार्मिक विधी होतील. संध्याकाळी ७ वाजता चेंदवणकर दशावतारी नाट्यमंडळाचा दणदणीत नाट्यप्रयोग होणार आहे. गुरुवार दि. ४ रोजी सकाळी ८ वाजता विविध धार्मिक विधी, आरती, तीर्थप्रसाद, दुपारी महाप्रसाद होणार आहे. भाविकांनी मोठ्या संख्‍येने उपस्‍थिती लावावी, असे आवाहन करण्यात आले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.