Pernem Municipality : पेडणे पालिकेच्या नगराध्यक्षपदी शिवराम तुकोजी बिनविरोध

Pernem Municipality :

पेडणे, नगरपालिकेच्या नगराध्यक्षपदी आज शिवराम तुकोजी तर उपनगराध्यक्षपदी विशाखा विश्राम गडेकर यांची बिनविरोध निवड झाली.

नगराध्यक्ष पदासाठी शिवराम तुकोजी यांचे नाव नगरसेवक मनोज हरमलकर यांनी सुचविले तर उपनगराध्यक्षपदासाठी विशाखा गडेकर यांचे नाव नगरसेविका अश्विनी पालयेकर यांनी सुचविले.

यावेळी नगराध्यक्ष, उपनगराध्यक्ष निवडसभेसाठी नगरसेवक माधव सिनाय देसाईं, सिध्देश पेडणेकर, मनोज हरमलकर, तृप्ती सावळ देसाई, आश्विनी पालयेकर व उषा नागवेकर या दहा पैकी आठ नगरसेवक उपस्थित होते तर जेष्ठ नगरसेवक विष्णू साळगावकर व राखी कशालकर हे दोन नगरसेवक उपस्थित नव्हते.

निर्वाचन अधिकारी म्हणून शिवप्रसाद नाईक यांनी काम पाहिले. त्यांना मुख्य अधिकारी शुभमभर्तू यांनी सहकार्य केले.