पेडणे, पत्रादेवी चेकनाक्यावर आज बुधवारी सकाळी पेडणे अबकारी कार्यालयातील अधिकाऱ्यांनी गोव्यातून मुंबईच्या दिशेने जाणाऱ्या नॅशनल परमिट ट्रकची झडती घेतली असता ४२ लाख ६३ हजार रुपयांची बेकायदा दारू सापडली.
हा मद्यसाठा आणि ट्रक असा एकूण ८१ लाख रुपयांचा मुद्देमाल जप्त करण्यात आला. तसेच चालक धर्मेंद्र अरीवार याची अटक करून नंतर सुटका केली.
मिळालेल्या सविस्तर माहितीनुसार, पत्रादेवी चेकनाक्यावर आज सकाळी एक ट्रक (एमएच ४० सीडी १८०१) ट्रक आला. ड्युटीवरील अबकारी अधिकाऱ्यांनी या ट्रकची तपासणी केली असता त्यात बेकायदा मद्यसाठा आढळून आला.
जप्त केलेल्या दारूमध्ये व्होडका प्रत्येकी १२ बाटल्यांच्या नगाप्रमाणे ४४० पेट्या (किंमत ३१ लाख ६८ हजार), व्होडका लहान आकाराच्या प्रत्येकी १८० पेट्या (किंमत ६ लाख ४८ हजार), किंगफिशर बीअरच्या १४ पेट्या (किंमत ३ लाख ४५ हजार), टुबर्ग बीअर ५० पेट्या (किंमत १ लाख २ हजार) असा समावेश होता. तसेच या दारूची वाहतूक करणारा ट्रकही जप्त घेण्यात आला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
