मयेतील माया केळबाय देवस्थानची निवडणूक घेण्यास विरोधकांची हरकत

डिचोली: अधिकाराच्या मुद्यावरून मयेतील श्री माया केळबाय देवस्थान समितीची निवडणूक घेण्यास नाईक आणि इतर गटाने तीव्र हरकत घेतल्याने निवडणूकीला वादाचे गालबोट लागले आहे. (people opposes election of maya Kelbay temple in Mayem)

साडे अकरा वाजेपर्यंत निवडणूक प्रक्रिया स्थगित ठेवण्यात आली आली असून, बैठकस्थळी पोलिस (Goa Police) फौजफाटा दाखल झाला आहे. आमचा अधिकार आम्हाला द्या, नंतरच निवडणूक प्रक्रिया सुरु करा. असा पवित्रा नाईक आणि इतर समाजातील लोकांनी घेतला आहे. निवडणूक निरीक्षक म्हणून उपस्थित असलेले रुपेश पालकर यांनी विरोधी गटाला समजावण्याचा केलेला प्रयत्न असफल ठरला असून, मामलेदारांनी बैठकस्थळी यावे. अशी मागणी विरोधकांनी केली आहे. त्यामुळे निवडणूक होणार की तणाव निर्माण त्याकडे मयेवासियांचे लक्ष लागून राहिले आहे.