Nilesh Cabral : विकासाबरोबरच लोकांच्या आरोग्यालाही प्राधान्य

Nilesh Cabral : कुडचडे मतदारसंघातील विकासकामांबरोबरच लोकांसाठी आरोग्य सुविधा उपलब्ध करून देण्यासाठी आपला प्रयत्न आहे. त्यासाठी नैसर्गिक उपचार पद्धती वापरून उपचार करण्यासाठी या आरोग्य शिबिराचे आयोजन केले आहे, असे मंत्री नीलेश काब्राल यांनी सांगितले.

ते कुडचडे येथे लायन्स क्लबच्या संयुक्त विद्यमाने आयोजित केलेल्या मॅग्नेटिक ट्रीटमेंट कॅम्पच्या उद्‌घाटन समारंभावेळी बोलत होते. यावेळी नगरसेवक टोनी डिकॉस्ता, विश्वास सावंत देसाई, सरपंच किस्तोदियो फेर्नांडिस, डॉ. हरीश ढगे व इतर मान्यवर उपस्थित होते.

या उपचार पद्धतीचे निष्कर्ष लगेच दिसून येत नाहीत, म्हणूनच हे शिबिर चाळीस दिवस चालणार असून लोकांनी या चाळीस दिवसांत नियमित येऊन उपचार घ्यावेत, असे या शिबिराचे प्रमुख डॉ. हरीश ढगे यांनी सांगितले.

लायन्स क्लबच्या सहकार्याने चाळीस दिवसीय नैसर्गिक उपचार पद्धतीच्या शिबिराचे आयोजन केले असून विकासकामांबरोबर लोकांचे आरोग्य चांगले राहावे यासाठी आपला प्रयत्न आहे.

कुडचडे मतदारसंघातील लोकांनी या आरोग्य शिबिराचा फायदा घ्यावा; कारण ही उपचार पद्धती सहसा येथे मिळत नाही, त्यासाठी लोकांना दूरदूर जावे लागते.

नीलेश काब्राल, सार्वजनिक बांधकाममंत्री