Pastor Dominique Dsouza: पास्टर डॉमनिक डिसोझा आणि त्यांची पत्नी जोन डिसोझा यांना उत्तर गोवा जिल्ह्यातून तडीपार करण्याचा उत्तर गोवा जिल्हाधिकाऱ्यांचा आदेश होता. या आदेशाला आव्हान देणारी याचिका उच्च न्यायालयात त्यांनी दाखल केली आहे. यापूर्वी २६ एप्रिलपर्यंत हे प्रकरण निकाली काढावे, असे निर्देश न्यायालयाने मुख्य सचिवांना दिले होते. या आव्हान याचिकेवर बुधवारी सुनावणी होणार आहे.
अलीकडेच, उत्तर गोव्याच्या (North Goa) जिल्हा दंडाधिकाऱ्यांनी एक आदेश पारित केला होता ज्यामध्ये पास्टर डॉमनिक डिसोझा आणि जोअन मस्कारेन्हास या दोघांनाही सहा महिन्यांच्या कालावधीसाठी उत्तर गोव्याच्या अधिकारक्षेत्रातून तडीपार करण्यात आले होते.
या तडीपारीच्या आदेशानुसार, सदर जोडप्याने दर महिन्याला एकदा जवळच्या पोलिस ठाण्याच्या प्रभारी अधिकाऱ्याला त्यांच्या राहण्याचे ठिकाण कळवणे आवश्यक होते. शिवाय जर त्यांना गोवा राज्य सोडायचे असेल तर त्यांनी ते गेल्यानंतर १० दिवसांच्या आत अधिकाऱ्यांना कळवायचे होते. आणि गोव्यात परतल्यावर दहा दिवसांच्या आत त्यांच्या आगमनाची माहिती जवळच्या पोलिस (Police) ठाण्यात देणे बंधनकारक होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
