पर्तगाळीत पुण्यतिथी महोत्सव सुरु

काणकोण: श्रीसंस्थान गोकर्ण पर्तगाळी मठांत समाधीस्त मठाधिश श्रीमद् विद्याधिराज तीर्थ यांच्या प्रथम पुण्यतिथी महोत्सवास आज विविध धार्मिक विधींनी प्रारंभ झाला. या महोत्सवानिमित्ताने पर्तगाळी मठात गोवा तसेच शेजारी राज्यातील मठानुयाची गर्दी उसळली आहे. आज सकाळीस्वामीजी श्रीविद्याधिश तिर्थ यांजहस्ते मठ प्राकारात बांधण्यात आलेल्या सुसज्ज खोल्यांचे उद्घाटन झाले. याच संकुलातील विद्याधिराज भवनाचे उद्घाटन उद्या शनिवारी होणार आहे.

आज सकाळी राज्यपाल श्रीधर पिल्लई यांनी सपत्नीक पर्तगाळीत येऊन या सोहळ्याप्रती सदिच्छा व्यक्त केल्या. मठसमितीचे अध्यक्ष श्रीनिवास धेंपे व सौ. पल्लवी यांनी त्यांचे स्वागत केले व त्यांना मठात नेले. दुपारी वीजमंत्री सुदीन ढवळीकर यांनीही मठात उपस्थिती लावली. सायंकाळी कर्नाटकातील मंडळीचाभजनाचा कार्यक्रम व नंतर दीपोत्सव झाला.

उद्या शनिवारी गत स्वामीजींच्या व्रुंदावनप्रतिष्ठा व सायंकाळी समभाकार्यक्रम व नंतर राहुल देशपांडे व आनंद भाटे यांची संगीत मैफल होईल. मुख्यमंत्री डॉ. प्रमोद सावंत व त्यांचे सहकारी मंत्री व आमदार पर्तगाळी मठात उपस्थिती लावतील असे सांगण्यात आले.