Part of House Collapsed: मडगावात कोसळली घराची बाल्कनी; सुदैवाने जीवितहानी नाही

Part of House Collapsed: पावसाळा सुरू झाल्यापासून पडझडीच्या घटनांनाही सुरुवात झाली आहे. यामध्ये इमारती आणि घरांचा भाग कोसळण्याचे प्रकारही वाढले आहेत.

आज (12 जुलै) मडगाव मध्ये एका घराचा काही भाग कोसळला. सुदैवाने यामध्ये कोणतेही नुकसान झाले नसल्याचे सांगण्यात येत आहे.

माहितीनुसार, ज्या इमारतीचा भाग कोसळला ती अतिशय जुनी असल्याचे बोलले जात आहे. इमारतीच्या बाल्कनीचा काही भाग आज सकाळी कोसळला. यामध्ये कोणतीही जीवितहानी झाली नाही.

या घटनेत नेमके किती नुकसान झाले हे अद्याप कळू शकलेले नाही.

दरम्यान, काही दिवसांपूर्वी अशीच एक गोष्ट घडली होती. मडगाव शहरातील हॉस्पिसियो इस्पितळाजवळच्या आरोग्य केंद्राच्या इमारतीच्या पहिल्या मजल्याचा काही भाग पहाटे 3 च्या सुमारास कोसळला. सुदैवाने ही घटना केंद्र सुरू नसताना घडली. त्यामुळे कोणतीही अप्रिय घटना घडली नाही. अन्यथा आरोग्य केंद्रातील कर्मचारी, तसेच रुग्णांच्या जीवावर बेतले असते.