Parra: पर्येतील रस्त्यावरील वळणावर पाणी; वाहतुकीसाठी धोकादायक

वाळपई: म्हाळशेकरवाडा, पर्ये येथील शाळेजवळील रस्त्यावरील वळणावर पाणी साचत असल्याने वाहतुकीसाठी धोकादायक बनले आहे. एका बाजूने पाणी साचल्यामुळे वाहनचालक दुसऱ्या बाजूने वाहने हाकतात व त्यामुळे समोरासमोर टक्कर होऊ शकते.

साखळीला जाण्यासाठी हा जवळचा मार्ग असल्याने बरेचजण या मार्गाचा वापर करतात. बाहेरून येणाऱ्या वाहन चालकांना या रस्त्याचा अंदाज येत नाही. अनेकजण या मार्गावरून सकाळी व संध्याकाळी व्यायाम करण्यासाठी ये जा करत असतात.

तसेच शाळेत जाणारे विद्यार्थी या मार्गाने ये जा करत असतात. त्यांनाही याचा त्रास होतो. जवळच ट्रान्सफॉर्मर असल्याने गाड्या वेगाने आल्यास हे पाणी त्या ट्रान्सफॉर्मरवर उसळते. त्यामुळे संभाव्य धोके लक्षात घेऊन याठिकाणी पाइप घालून हे पाणी बाहेर काढण्याची गरज आहे.