Margao News मडगाव नगरपालिका परिसरातील सर्व ठिकाणच्या पार्किंग जागा 'रेंट अ बाईक'वाल्यानी हडप केल्या आहेत, त्यामुळे बाजारहाट करण्यासाठी येणाऱ्यांना आपल्या दुचाकी पार्क करण्यासाठी जागा मिळत नाही. त्यामुळे या 'रेंट ए बाईक' वाल्यावर कारवाई करण्यात यावी अशी मागणी मडगाव नगरपालिकेचे नगरसेवक महेश आमोणकर यांनी केली आहे .
विशेष म्हणजे खाजगी दुचाकीही या 'रेंट ए बाइक' वाल्यानी रेंटसाठी वापरल्या आहेत त्यांचेही पार्किंग या परिसरात करण्यात येत असल्याचे आमोणकर यांनी सांगितले. या ठिकाणी रात्रीच्या वेळी आपल्या रेंट बाईक पार्क करून जागा अडवून ठेवत आहेत हे पाहण्यासाठी आपण रात्री 10.30 ला आलो होतो.
यावेळी नगरपालिका पार्किंग परिसर , नी मार्केट पार्किंग परिसर अशा सर्वच ठिकाणी आपल्या दुचाकी पार्क करून ठेवल्या होत्या. सकाळी या दुचाकी भाड्याला गेल्या तर गेल्या नाहीतर सकाळपर्यँत याच ठिकाणी पडून राहत असल्याचे आमोणकर यांनी सांगितले.
त्यामुळे मडगाव बाजारात बाजार करण्यासाठी दाखल होणाऱ्यांना आपल्या दुचाकी पार्क करण्यासाठी जागा मिळत नाही व येथील दुकादारावरही याचा परिणाम होत आहे . हा प्रश्न निकालात काढण्यासाठी स्थानिक आमदार दिगंबर कामत यांना विनवणी करून हा विषय त्यांच्या कानावरही घातला आहे असे ते म्हणाले .
कधी कधी हे रेंट बाईकवाले येथील भाडे मारणाऱ्या मोटरसायकल पायलटवाल्यांची जागा हडप करून आपल्या दुचाकी पार्क करीत आहेत आणि विचारल्यास त्यांच्याकडे दादागिरीची भाषा बोलत असल्याचे आमोणकर यांनी सांगितले.
या प्रकरणी संबंधित अधिकाऱ्यांनी लक्ष घालून त्यांच्यावर कारवाई करवी अशी मागणी आमोणकर यांनी केली आहे .
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.