Panjim Smart City: गेल्या सात वर्षांपासून राजधानी पणजीत सुरू असलेल्या 47 स्मार्ट सिटी प्रकल्पाच्या कामांत मोठ्या प्रमाणात घोटाळा होत आहे. या प्रकल्पाच्या कामाचे विशेष ऑडिट करावे, या मागणीचे निवेदन आज काँग्रेसतर्फे राज्याच्या महालेखापालांना (कॅग) देण्यात आले.
कामांची सखोल चौकशी करावी तसेच महालेखापाल आणि सरकारने ठोस पावले उचलावीत अन्यथा न्यायालयात जाण्याचा इशारा काँग्रेसने दिला आहे.
काँग्रेस प्रवक्ते एल्विस गोम्स, जनार्दन भंडारी यांनी पर्वरी येथील महालेखापाल कार्यालयात जाऊन तेथील सिनियर ऑडिट सुनील कुमार यांना निवेदन दिले.
इमेजिन पणजी स्मार्ट सिटी विकास लि. तर्फे सुरू असलेल्या प्रकल्पांची कामे दुय्यम दर्जाची होत आहेत. या कामाची दखल महालेखापालांनी घेऊन चौकशी करून सरकारच्या निदर्शनास आणून द्यावी, अशी मागणी निवेदनात केली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
