पणजी : सेवेमध्ये निष्काळजीपणा केल्याबद्दल गोवा पोलीस दलातील एका अधिकाऱ्याला निलंबित करण्यात आलं आहे. या अधिकाऱ्यावर त्याच्या कार्यकाळात गुन्ह्यांचं आरोपपत्र योग्य वेळेत न्यायालयात सादर न केल्याचा ठपका ठेवण्यात आला आहे. गोव्याच्या पोलीस महासंचालकांनी याप्रकरणी आदेश जारी केला आहे.
पणजीचे पोलीस (Police) उपनिरीक्षक उत्क्रांतराव देसाई यांना सेवेतून निलंबित करण्यात आलं आहे. आपल्या सेवेत निष्काळजीपणा दाखवल्याचा ठपका त्यांच्यावर ठेवण्यात आला आहे. देसाई यांनी त्यांच्या कार्यकाळात नोंद केलेल्या 29 गुन्ह्यांचे आरोपपत्र न्यायालयात दाखल न केल्याप्रकरणी कारवाई करण्यात आल्याची माहिती आहे. गोव्याच्या पोलीस महासंचालकांच्या सूचनेनुसार आदेश (Order) जारी करण्यात आला आहे.
दरम्यान होळीच्या (Holi) दिवशी शुक्रवारी संध्याकाळी साडेसहाच्या सुमारास कोडार - बेतोडा येथे बाचाबाचीच्या प्रकरणातून पोलिसांनी एकाला बेदम मारहाण केल्याची घटना घडली होती. याप्रकरणी संशयित पोलिस कॉन्स्टेबल रामा खाणेकर आणि ओंकार मानकर यांच्याविरुद्ध गुन्हा दाखल करण्यात आला होता. दोघांनाही सेवेतून तात्काळ निलंबित करण्यात आले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
