Pandharpur Wari: मुळगाव वारकरी संस्थेचे १ जुलैपासून "विठ्ठल...विठ्ठल"

मुळगांव वारकरी संस्थेने प्रतिवर्षाप्रमाणे पंढरपूर पायी वारीचे आयोजन केले असून, ही त्यांची १४ वी वारी असून संस्थेचे संस्थापक ह.भ.प. भाऊ माऊली तथा रघुनाथ गोपी गाड यांच्या मार्गदर्शनाखाली कार्यक्रमाची आखणी झाली आहे.

मुळगाव येथील श्री केळबाई देवीच्या मंदिरात दि.१ जुलै रोजी सकाळी ७ वाजता वारीत सामील वारकरी जमतील व तेथील देवीचे तसेच इतर देवतांचे दर्शन घेऊन विठ्ठल नामाचा गजर करीत तेथून प्रयाण करतील.

गोवा, कर्नाटक व महाराष्ट्र असा पायी प्रवास असून, रोज रात्री मुक्कामाचे ठिकाण ठरलेले आहे. तेथे रात्री दिंडी, भजन, हरीपाठ होईल.

पायी वारीचे १३ जुलै रोजी संध्याकाळी पंढरपूर (Pandharpur) येथे आगमन झाल्यावर तेथील चंद्रभागेत सर्व वारकऱ्यांनी स्नान केल्यावर वारीची सांगता होईल. १८ जुलै रोजी वारीचा परतीचा प्रवास सुरू होणार आहे

एकूण २२५ वारकरी सामील झाले असून, सर्व विठ्ठलभक्तांनी १ जुलै रोजी सकाळी ७ वा. श्री केळबाई मंदिरात उपस्थित रहावे, असे आवाहन संस्था प्रमुख रघुनाथ गाड, तसेच संदीप सिनारी, उत्तम परब, रामचंद्र गावस, रोशन परब आदींनी केले आहे.