ईडीसी पाटो येथील ‘माईल्स हाय’मध्ये पंचायत कार्यालयाचे स्थलांतर केल्यानंतर भरमसाट भाडेपट्टी देण्यात येत असल्याने सुमारे 2.95 कोटीचे सरकारी तिजोरीला नुकसान झाल्याचा शेरा ‘कॅग’च्‍या अहवालात मारण्यात आला आहे.
त्याचा संदर्भ घेत या प्रकरणाच्‍या चौकशीची मागणी दक्षता खात्याकडे तक्रार दाखल करून करण्यात आली आहे. या तक्रारीत पंचायतमंत्री व संचालकांचा उल्लेख करण्यात आला आहे, अशी माहिती आरटीआय कार्यकर्ते सुदीप ताम्हणकर यांनी दिली.
जुन्ता हाऊस इमारतीमधील पंचायत कार्यालय ‘माईल्स हाय’ या इमारतीत स्थलांतर करण्यापूर्वी सार्वजनिक बांधकाम अधिकाऱ्यांनी भाडे रक्कम मासिक 1.89 लाख रुपये निश्‍चित केली होती. मात्र पंचायत कार्यालयाने निश्‍चित केलेल्या भाडेपट्टीला बगल देत मासिक 9.44 लाख रुपये व जीएसटी अशी रक्कम ठरविली.
‘कॅग’ने सादर केलेल्या अहवालात त्याचा उल्लेख केला होता व सरकारने केलेल्या या अफाट खर्चाबाबत शेराही मारला होता. या अहवालाच्या आधारे सरकारी तिजोरीच्‍या झालेल्या नुकसानीला मंत्री व संचालकांना जबाबदार धरून त्यांच्याकडून ते वसूल करण्याची मागणी तक्रारीत करण्यात आली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
