Action Against Illegal Casino: पणजीत कॅसिनोंच्या बेकायदेशीर कामांवर महापालिकेचा हातोडा

CCP Action Against Illegal Casino: गोव्याची राजधानी पणजीमध्ये अनेक कॅसिनो आहेत. या कॅसिनोंकडून काही ठिकाणी अतिक्रमण झाले आहे. किंवा सरकारी जागेत जाहिरातीचे फलक, खांब लावलेले आहेत. मंगळवारी, उच्च न्यायालयाच्या निर्णयानुसार पणजी महापालिकेने कॅसिनोंच्या या अवैध कामांवर हातोडा उगारला.

पालिकेच्या कर्मचाऱ्यांनी कॅसिनोंचे हे बांधकाम, खांब उतरवून घेतले. लांबूनच पाहता येईल अशा दर्शनी जाहिराती कॅसिनोंकडून करण्यात आल्या होत्या. तथापि, त्या अवैध जागी असल्याने पालिकेच्या कर्मचाऱ्यांनी हे काम उतरवून घेतले आहे.

गोव्यातील अनेक कॅसिनोज पर्यटकांचे लक्ष वेधून घेत असतात. यातील काही कॅसिनोंचे बांधकाम हे अवैध आहे. बेकायदेशीरपणे ही बांधकामे रेटली आहेत. त्याविरोधात कारवाई करण्यात आली.