तापमान वाढीने यंदा देशात विक्रम नोंदवला आहे. दोन दिवसांपूर्वी दिल्लीत ५२.३ डिग्री सेल्सिअस अर्थात शतकातील सर्वांत अधिक तापमानाची नोंद झाली. आता गोव्यातही तापमानाचा पारा चढत आहे.
आधीच 'स्मार्टसिटी'च्या कामांनी मेटाकुटीला आलेल्या राजधानी पणजीत आज ३५.८ डिग्री सेल्सिअस तापमानाची नोंद झाली. पुढील चोवीस तासांत पारा ३७ अंशांवर पोहोचेल, असा अंदाज हवामान खात्याने वर्तवला आहे.
राज्यात यापूर्वी १४ व रोजी अधिक तापमान होते. १५ मे सध्या वातावरणातील आर्द्रता ६३ टक्क्यांवर आली आहे, जी ४ दिवसांपूर्वी ९०च्या पुढे होती. गेल्या १५ दिवसांत आज सर्वाधिक तापमान नोंदले गेले.
गुरुवारी मॉन्सून केरळात पोहोचल्याने तो पुढील ४ दिवसांत गोव्यात आपले अस्तित्व दाखवेल, असा अंदाज आहे. पावसाने सातत्य राखल्यास हवामानात गारवा जाणवेल. तोवर काळजी घेणे गरजेचे आहे.
यलो अलर्ट जारी!
राजधानी व परिसरात गुरुवारी रात्री तुरळक पाऊस झाला. राज्यात पुढील चार दिवसांत वादळी वाऱ्यासह पाऊस पडण्याची दाट शक्यता असून, हवामान खात्याने यलो अलर्ट जारी केला आहे.
काय काळजी घ्याल?
1) अतिउष्णतेच्या परिस्थितीत शरीरात पाण्याचे पुरेसे प्रमाण असणे गरजेचे आहे. त्यासाठी तहान लागली नसली तरीही जेव्हा शक्य असेल तेव्हा पुरेसे पाणी प्यावे.
2) प्रवास करताना पिण्याचे पाणी सोबत ठेवावे.
3) ताजे व हलके अन्न खाऊनच घराबाहेर पडावे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.