पणजी: पणजीतील हॉटेल आणि खाद्यपदार्थ विक्री केंद्रांच्या स्वच्छतेबाबत आणि गुणवत्तेबाबत अन्न व औषध प्रशासनाने (एफडीए) मंगळवारी कारवाई करत अन्न सुरक्षा मानकांचे उल्लंघन केल्याप्रकरणी ३ प्रमुख आस्थापनांना त्यांचे कामकाज तातडीने बंद ठेवण्याचे निर्देश दिले आहेत.
२३ केंद्रांची तपासणी अन्न व औषध प्रशासनाच्या संचालिका श्वेता देसाई यांच्या मार्गदर्शनाखाली आणि उत्तर गोवा जिल्हा अधिकारी रिचर्ड नोरोन्हा यांच्या नेतृत्वाखालील पथकाने केली.
स्वच्छतेचे गंभीर उल्लंघन आणि अन्न सुरक्षा मानकांकडे दुर्लक्ष केल्याबद्दल ३ केंद्रांना कामकाज स्थगित करण्याचे आदेश देण्यात आले. तसेच काही केंद्रांमध्ये किरकोळ त्रुटी आढळल्याने त्यांना नियमांचे पालन करण्यासाठी सुधारणा नोटिसा बजावण्यात आल्या आहेत.
पणजीतील अनेक केंद्रांमध्ये काम करणाऱ्या कर्मचाऱ्यांकडे वैध आरोग्य कार्ड नसल्याचे आढळून आले. अशा सर्व कामगारांना जोपर्यंत ते वैध आरोग्य कार्ड प्राप्त करत नाहीत, तोपर्यंत अन्न हाताळणी करण्यास मनाई करण्यात आल्याची माहिती देसाई यांनी दिली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
