पणजी, ज्येष्ठ नागरिकांसाठी लागू असलेल्या सुविधा, सवलती त्यांना दिल्या जातात की नाही, याची पडताळणी करण्यासाठी जिल्हानिहाय अधिकारी नेमावा अशी मागणी ‘गोवा कॅन’ या संस्थेने समाजकल्याण संचालक अजित पंचवाडकर यांची भेट घेऊन केली.
संस्थेच्या शिष्टमंडळाने संचालकांची भेट घेऊन ज्येष्ठ नागरिकांना भेडसावत असलेल्या अनेक समस्यांवर चर्चा केली.
संस्थेचे रोलंड मार्टिन्स यांनी दिलेल्या माहितीनुसार, ज्येष्ठ नागिकांसाठी सार्वजनिक शौचालये खास पद्धतीने बांधली गेली पाहिजेत याकडे संचालकांचे लक्ष वेधले. बसमध्ये त्यांच्यासाठी आरक्षित आसनांच्या संख्येत २ वरून ५ पर्यंत वाढ केली पाहिजे.
दिव्यांग, नंतर ज्येष्ठ नागरिक शेवटी इतर सर्व या पद्धतीने बसमध्ये प्रवासी चढण्याचा क्रम ठरवला पाहिजे. ‘उमीद’ केंद्रांच्या संख्येत वाढ करावी. बॅकेत ज्येष्ठ नागरिकांना चांगली सेवा देण्याची सूचना केली जावी. १ ते १५ ऑक्टोबरदरम्यान ज्येष्ठ नागरिक अधिकार जागृती पंधरवडा साजरा करावा, अशा मागण्याही यावेळी करण्यात आल्या.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.