पणजी: गाझा, पॅलेस्टाईनमधील इस्रायली कारवायांविरोधात पणजीत शांततेने आंदोलन करणाऱ्या ६० नागरिकांवर पोलिसांनी कारवाई केली. पूर्वपरवानगीशिवाय निदर्शने केल्याचा आरोप करत पोलिसांनी अनेक आंदोलकांना ताब्यात घेतले आहे.
पहिल्या गटातील आंदोलकांना पणजी चर्च परिसरातून, तर दुसऱ्या गटातील आंदोलनकर्त्यांना आझाद मैदानावरून पोलिसांनी ताब्यात घेतल्याची माहिती मिळाली आहे. सर्व आंदोलकांना आगशी पोलिस ठाण्यात नेण्यात आले आहे.
निदर्शकांचा दावा आहे, की त्यांनी गाझातील नागरिकांवर होत असलेल्या हिंसाचाराविरोधात शांततामय पद्धतीने निषेध नोंदवण्याचा प्रयत्न केला. मात्र, पोलिसांनी पूर्वपरवानगी नसल्याचे कारण देत त्यांना रोखले. या घटनेमुळे नागरिकांच्या अभिव्यक्ती स्वातंत्र्यावर गदा आणल्याचा आरोप सामाजिक कार्यकर्त्यांनी केला आहे.
दरम्यान, पोलिस अधिकाऱ्यांनी सांगितले की, सार्वजनिक ठिकाणी कोणतेही आंदोलन आयोजित करण्यापूर्वी परवानगी घेणे आवश्यक आहे, कायदा-सुव्यवस्थेसाठी ही कारवाई केल्याचे त्यांनी स्पष्ट केले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.