पणजी, कला अकादमीच्या वास्तूचे कोट्यवधी रुपये खर्च करून नूतनीकरण करण्यात आले, परंतु शनिवारी आकस्मिक पडलेल्या अवकाळी पावसामुळे कला अकादमीत मोठ्या प्रमाणात पाणी साचले आणि पहिल्या मजल्यावरील ‘फॉल्स सिलिंग’चा काही भाग कोसळला.
त्यामुळे कला अकादमीच्या नूतनीकृत कामाच्या दर्जाबाबत पुन्हा एकदा प्रश्नचिन्ह निर्माण झाले आहे.
काम पूर्ण करून अजून आमच्याकडे सार्वजनिक बांधकाम खात्याने कला अकादमी सुपूर्द केलेली नाही. ज्या काही अकादमीत त्रुटी आहेत, त्याबाबत आम्ही सार्वजनिक बांधकाम खात्याला कळवत आहोत. २० दिवसांपूर्वी मुख्यमंत्री डॉ. प्रमोद सावंत जे या खात्याचे मंत्री आहेत, त्यांच्यासोबत बैठक घेऊन त्यांना कळविण्यात आले आहे.
जनतेच्या मनात कला संस्कृती संचालनालय व त्यांचे अभियंते कला अकादमीचे काम करत असल्याचा समज आहे. हा समज अत्यंत चुकीचा आहे. कला अकादमीच्या कामाबाबतची सर्व माहिती सार्वजनिक बांधकाम खाते, त्यांचे अभियंते व मुख्यमंत्र्यांकडून घ्यावी. - गोविंद गावडे, कला व संस्कृतीमंत्री
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.