SCO Meeting: मोठी बातमी! गोव्यात होणाऱ्या SCO बैठकीला उपस्थित राहण्यास पाकिस्तानचा नकार

SCO Meeting 2023: पाकिस्तानने गोव्यात होणाऱ्या शांघाय कोऑपरेशन ऑर्गनायझेशन (SCO) बैठकीला उपस्थित राहण्यास नकार दिला आहे. पाकिस्तानच्या परराष्ट्र मंत्रालायाने याबाबत अधिकृत माहिती दिली आहे. या बैठकीत चीन, कझाकिस्तान, किर्गिस्तान, रशिया आणि उझबेकिस्तान भाग घेणार आहेत. मात्र, या बैठकीत पाकिस्तानने सहभागी होण्यास नकार दिला आहे.

(Pakistan will not participate in SCO meeting to be held in Goa)

या वर्षी मे महिन्यात गोव्यात होणाऱ्या शांघाय कोऑपरेशन ऑर्गनायझेशन (SCO) बैठकीत सहभागी होण्याबाबत पाकिस्तानने कोणताही निर्णय घेतला नव्हता. पाकिस्तानच्या परराष्ट्र मंत्रालयाच्या प्रवक्त्याने या बैठकीला उपस्थित राहण्याबाबत काहीही सांगणे घाईचे असल्याचे म्हटले होते. 4-5 मे रोजी होणाऱ्या या बैठकीत सहभागी होण्यासाठी भारताने पाकिस्तानच्या परराष्ट्र मंत्रालयाला आमंत्रित केले होते.

दरम्यान, आता पाकिस्तानने गोव्यात होणाऱ्या शांघाय कोऑपरेशन ऑर्गनायझेशन (SCO) बैठकीला उपस्थित राहण्यास नकार दिला आहे.

भारत आणि पाकिस्तान यांच्यातील संबंध जगजाहीर आहेत. कोणतीही चर्चा सुरू करण्यापूर्वी पाकिस्तान जम्मू-काश्मीरमध्ये कलम-370 पुनर्स्थापित करण्याची मागणी करत आहे. तर, भारत काश्मीरला भारताचा अविभाज्य भाग असल्याचे सांगत पाकिस्तानची मागणी फेटाळत आहे.

आंतरराष्ट्रीय स्तरावर देखील पाकिस्तान नेहमी काश्मीरचा सूर आळवत असतो. पण, भारत त्यांना नेहमीच चोख प्रत्युत्तर देतो.

सध्या शांघाय कोऑपरेशन ऑर्गनायझेशनमध्ये (SCO) आठ सदस्य राष्ट्रे आहेत. यात चीन, भारत, कझाकिस्तान, किर्गिस्तान, रशिया, पाकिस्तान, ताजिकिस्तान आणि उझबेकिस्तान यांचा समावेश आहे. तर, अफगाणिस्तान, बेलारूस, इराण आणि मंगोलिया सदस्यत्व स्वीकारण्यास इच्छुक असलेली चार निरीक्षक देश आहेत. तर, आर्मेनिया, अझरबैजान, कंबोडिया, नेपाळ, श्रीलंका आणि तुर्की संवाद भागीदार देश आहेत.