Goa Weather Update: हवामान खात्याने अंदाज वर्तवल्या प्रमाणे काही राज्यांमध्ये अवकाळी पाऊस पडण्याची शकता होती. आज गोव्यातील काही भागांत पावसाने आपली हजेरी लावली आहे. पर्वरी, बार्देशसोबतच गोव्याचे महत्वाचे शहर पणजीमध्येही मुसळधार पावसाची (Rain in goa) बरसात झाली आहे. पुढील 3-4 तासांत उत्तर गोव्यात काही ठिकाणी आणि दक्षिण गोवा जिल्ह्यात काही ठिकाणी हलक्या पावसाची शक्यता आहे. (Other areas including Panaji received unseasonal rains)
अचानक आलेल्या पावसामुळे पणजीमधील नागरिकांची तारांबळ उडाली. गोव्यासोबतच इतर राज्यांमध्येही अवकाळी पाऊस झाला आहे. गोव्यातील डिचोली, म्हापसा, बांबोळी, हळदोण, मये, साखळी या भागात पाऊस पडला आहे. या पावसाचा पिकांवर आणि आरोग्यवरही परिणाम होऊ शकतो. अनियमित वातावरणामुळे हा अवकाळी पाऊस पडल्याचे बोलले जात आहे. दरम्यान, अरबी समुद्रातून (Arabian Sea) जोराने वारे वाहण्याची शक्यता असल्याने मच्छीमारांना समुद्रात न जाण्याचा इशारा वेधशाळेने दिला आहे.
सोमवारपासून किमान तापमानात 2 ते 3अंशांनी घट होण्याची शक्यता भारतीय हवामान विभागाने (IMD) वर्तवली आहे. पुढील 3 दिवसांत किमान तापमानात 2-3 अंश सेल्सिअसने घसरण होण्याची शक्यता आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.